Ryžankoŭ nazvaŭ 16 vidaŭ sportu, jakija ŭvojduć u prahramu Jeŭrapiejskich hulniaŭ — 2019 u Minsku
Pieršy namieśnik kiraŭnika Administracyi prezidenta Biełarusi, pieršy vice-prezident Nacyjanalnaha alimpijskaha kamiteta Maksim Ryžankoŭ nazvaŭ 16 vidaŭ sportu, jakija dakładna ŭvojduć u prahramu Jeŭrapiejskich hulniaŭ 2019, paviedamlaje Tribuna.com.
- Na siońnia jość kansiensus pa himnastycy (spartyŭnaj, mastackaj, akrabatycy), pa troch vidach baraćby, dziudo, samba, pa viesłavańni na bajdarkach, nastolnym tenisie, chutčej za ŭsio buduć badminton, stendavaja i kulavaja stralba. Z hulniavych vidaŭ sportu budzie baskietboł 3x3, plažny valejboł, plažny futboł. Heta tyja vidy, pa jakich dasiahnuty kansensus, — skazaŭ Maksim Ryžankoŭ ŭ prahramie «Arena» na kanale «Biełaruś 1».
Kančatkovy śpis vidaŭ sportu budzie zaćvierdžany ŭ mai hetaha hoda.
Da hetaha času niajasnaja situacyja ź lohkaj atletykaj, choć u kancy studzienia hienieralny sakratar NAK Anatol Kotaŭ zapeŭnivaŭ, što hety vid sportu budzie ŭklučany ŭ prahramu II Jeŭrapiejskich hulniaŭ.
Prablemy z uklučeńniem lohkaj atletyki ŭ prahramu Jeŭrahulniaŭ-2019 u Minsku mohuć paŭstać u suviazi z tym, što ŭ hety ž hod, z 28 vieraśnia pa 6 kastryčnika, u Katary projdzie čempijanat śvietu.