«Para!»: u Biełarusi vyjšła manieta sa znakamitym zaklikam da antymaskoŭskaha paŭstańnia
Pryvatny prajekt «113 haradoŭ Biełarusi» vypuściŭ suvienirny «Adzin mahiloŭski rubiel».
Horad na aviersie ŭvasablajuć ratuša, hierb miesta i znakamity zaklik mahiloŭskaha burhamistra Jazepa Levanoviča «Para! Para!».
Hetyja słovy adnosiacca da XVII stahodździa, kali padčas vialikaj 13-hadovaj vajny pamiž maskoŭcami i Rečču Paspalitaj mahiloŭcy vyzvalili ad akupantaŭ svoj zachopleny horad. Sihnałam da pačatku paŭstańnia staŭ hety adbity na maniecie voklič burhamistra — «Para!».
Za dzień mahiloŭcy razhramili maskoŭski harnizon, i za heta ŭłady viarnuli horadu adabranaje mahdeburskaje prava, a taksama nadali novy — sučasny — hierb.
Suvienirnaja manieta, pryśviečanaja Mahilovu, vypuščanaja nakładam u 100 adzinak, zamović jaje možna ŭ vytvorcaŭ — na sajcie belmoneta.by.
U sieryi «113 haradoŭ Biełarusi» heta nie pieršaja manieta — užo vypuščanyja «rubli» Słucka, Uzdy, Klecka dy inšyja.
