Hałoŭny suviazist Minabarony staŭ dyrektaram chołdynha «Ahat»
fota pres-słužby Minabarony Biełarusi
Hienadź Kazakoŭ vyzvaleny ad pasady načalnika suviazi Uzbrojenych Sił — načalnika ŭpraŭleńnia suviazi Hienieralnaha štaba Uzbrojenych Sił. Adpaviedny ŭkaz padpisaŭ Alaksandr Łukašenka 17 krasavika, paviedamlaje pres-słužba prezidenta Biełarusi.
Svaim ukazam kiraŭnik dziaržavy taksama ŭzhadniŭ pryznačeńnie Hienadzia Kazakova dyrektaram AAT «Ahat - sistemy kiravańnia» — kirujučaja kampanija chołdynhu «Hieainfarmacyjnyja sistemy kiravańnia».
Pra Hienadzia Kazakova viadoma niašmat. Jon naradziŭsia 4 studzienia 1964 hoda ŭ vioscy Siemukačy Mahiloŭskaha rajona. U 1985 hodzie z adznakaj skončyŭ Uljanaŭskaje vyšejšaje vajennaje kamandnaje vučylišča suviazi, z adznakaj. Z 1985 pa 1998 pracavaŭ na roznych pasadach u 86-j bryhadzie suviazi. Z 1998 pa 2000 hod źjaŭlaŭsia słuchačom Vajennaj akademii Respubliki Biełaruś, jakuju skončyŭ na vydatna. U 2005 hodzie byŭ pryznačany načalnikam suviazi Uzbrojenych Sił - načalnikam upraŭleńnia suviazi Hienieralnaha štaba Uzbrojenych Sił Respubliki Biełaruś.
