Brytancy nazvali samyja dastupnyja jeŭrapiejskija kurorty

Bałharski kurort «Soniečny bierah» (Sł'nčiev briah) nazvany samym dastupnym jeŭrapiejskim kurortam pa vynikach daśledavańnia, praviedzienaha brytanskaj paštovaj słužbaj, paviedamlaje VVS. Usiaho ŭ składzienym rejtynhu fihurujuć 19 jeŭrapiejskich kurortaŭ, samym darahim miescam adpačynku nazvany vostraŭ Ibica.

Soniečny bierah, fota childrenstour.ru

Daśledavańnie hruntavałasia na canie turystyčnych tavaraŭ i pasłuh — ad siaredniaha čeka ŭ restaranie za śniadanak, abied i viačeru da cany kremu dla abarony ad zaharu.

Na bałharskim kurorcie cana hetaha košyka skłała prykładna 44 jeŭra, u toj čas jak na Ibicy turystu davodzicca płacić za samaje patrebnaje pa 154 jeŭra na kožny dzień.

Samyja dastupnyja kurorty ŭ sakaviku 2017

• Soniečny bierah, Bałharyja
• Alharve, Partuhalija
• Kosta-del-Sol, Ispanija
• Marmarys, Turcyja
• Pafas, Kipr

Samyja darahija kurorty

• Ibica, Balearskija astravy
• Marencina, poŭdzień Italii
• Nica, poŭdzień Francyi
• Zadar, Charvatyja
• Lisabonskaje ŭźbiarežža, Partuhalija

nn.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0