Dziaŭčyna zvaliłasia z druhoha paviercha, robiačy sełfi ŭ zakinutym budynku
U Rečyckim rajonie 17-hadovaja dziaŭčyna atrymała surjoznyja traŭmy, robiačy sełfi ŭ zakinutym budynku, paviedamiła BIEŁTA načalnik adździeła pa nahladzie za vykanańniem zakanadaŭstva ab niepaŭnaletnich i moładzi prakuratury Homielskaj vobłaści Volha Šaŭčenka.
Niaščasny vypadak adbyŭsia 11 krasavika ŭ horadzie Vasilevičy. Paciarpieła navučenka, jakaja prachodzić praktyku na miascovym pradpryjemstvie. Pa słovach Volhi Šaŭčenka, dziaŭčyna na terytoryi zakinutaha kruchmalnaha zavoda padniałasia na druhi pavierch i vyrašyła zrabić sełfi, ale nie ŭtrymałasia ŭ aknie i ŭpała z 6-mietrovaj vyšyni. Vypadkovyja śviedki pačuli kryki i vyklikali na miesca zdareńnia bryhadu chutkaj dapamohi.
U ciapierašni čas dziaŭčyna znachodzicca ŭ Rečyckaj centralnaj rajonnaj balnicy ź pierałomam nahi i traŭmaj pazvanočnika. Pa fakcie zdareńnia supracoŭniki Rečyckaha RAUS i rajonnaj prakuratury pravodziać pravierku.
