Pucin pryhraziŭ adbirać u mihrantaŭ hramadzianstva Rasii za ekstremizm
Uładzimir Pucin zajaviŭ, što rasijskija ŭłady znojduć mahčymaść pazbaŭlać hramadzianstva krainy tych rasijan, jakim jano było dadziena rašeńniem uładaŭ, ale jakija zatym ustupili ŭ šerahi ekstremisckich arhanizacyj.
«U adpaviednaści z rasijskaj Kanstytucyjaj my nikoha pazbaŭlać hramadzianstva nie možam. Ale my možam admianiać adpaviednyja rašeńni, jakija pasłužyli padstavaj dla atrymańnia rasijskaha hramadzianstva. My praviadziom kansultacyi z našymi jurystami, i, ja dumaju, takija rašeńni buduć pryniatyja ŭ samy bližejšy čas», — skazaŭ Pucin u intervju telekampanii «Mir-24».
Raniej stała viadoma, što Akbaržon Džaliłaŭ, jaki, jak miarkujecca, ažyćciaviŭ vybuch u pieciarburhskim mietro 3 krasavika, atrymaŭ rasijskaje hramadzianstva ŭ 2011 hodzie dziakujučy tamu, što jaho baćka doŭha žyŭ u Sankt-Pieciarburhu.
