Partał TuzinFM pierajechaŭ u zonu BY
Muzyčny partał z 14-hadovaj historyjaj źmianiŭ adras u siecivie.
Ciapier pačytać naviny sa śvietu biełaruskaj muzykaj dy hałasavać za najlepšyja pieśni, klipy i albomy biełaruskich vykanaŭcaŭ možna pa adrasie tuzinfm.by.
Kiraŭnik TuzinFM Siarhiej Budkin kaža, što pierajezd byŭ vymušanaj mieraj: «Pa niezaležnych ad nas pryčynach my stracili kantrol nad raniejšym damienam, tamu zarehistravalisia ŭ zonie BY, dzie na techničnym uzroŭni nie pavinna być nijakich prablemaŭ. Ale my pakidajem nazvu prajektu TuzinFM z raźlikam zrabić u budučyni ŭłasnaje radyjo». U struktury sajtu taksama adbuducca nievialikija źmieny — buduć skasavanyja raździeły «Žamieryny» i «Afiša». Staŭka budzie zroblena na ŭłasnyja prajekty, premjery piesień u miežach čartaŭ, a taksama na ahlad śviežych biełaruskich klipaŭ i albomaŭ.
Partał TuzinFM pracuje ŭ siecivie z 2003 hoda. Jon inicyjuje, pravodzić i padtrymlivaje najbolš značnyja padziei ŭ biełaruskaj muzycy. Sioleta razam z fondam «Viartańnie» partał pravodzić čaćviorty siezon konkursu dla maładych vykanaŭcaŭ «Zaśpiavaj», jaki sioleta projdzie ŭ adukacyjnym farmacie. Taksama rychtujecca muzyčny prajekt «(Nie) rasstralanaja paezija», u miežach jakoha viadučyja biełaruskija muzyki zapišuć pieśni na vieršy represavanych paetaŭ.
