«Nanios dva ŭdary rukoj pa hałavie skulptury «Minskaha haradavoha», jakaja ŭvasablaje paradak i spakoj na vulicach horada» — abvinavačańnie Kasinierava
Čakajecca, što 11 krasavika stanie viadomaja data sudu nad aktyvistam anarchisckaha ruchu Viačasłavam Kasinieravym. Pra heta paviedamiła jaho siabroŭka Maryna Nasienka.
U aficyjnym abvinavačańni aktyvista anarchisckaha ruchu Viačasłava Kasinierava havorycca, što jon «hruba parušyŭ hramadski paradak» i «dziejničaŭ z vyklučnym cynizmam».
Pavodle abvinavačańnia, Kasinieraŭ učyniŭ chulihanskija dziejańni: «nakinuŭ na šyju skulptury «Minskaha haradavoha» piatlu (jakaja imituje piatlu dla paviešańnia), vykananuju z kanatu śvietłaha koleru, jaki vydzialajecca na fonie skulptury i prykmietny dla navakolnych, paśla čaho zaciahnuŭ piatlu kala šyi skulptury i, u praciah svaich dziejańniaŭ, nanios dva ŭdary rukoj pa hałavie skulptury «Minskaha haradavoha», jakaja ŭvasablaje paradak i spakoj na vulicach horadu».