Vyznačany ŭdzielniki paŭfinałaŭ konkursa «Mova. Muzyka. Futboł»
Pa zaviaršeńni hałasavańnia zaŭziataraŭ i apytańnia žury stali viadomyja ŭsie ŭdzielniki paŭfinała konkursa «Mova. Muzyka. Futboł».
U pieršym tury adbyvałasia internet-hałasavańnie futbolnych zaŭziataraŭ, a taksama hałasavańnie prafiesijnaha žury, u skład jakoha ŭvajšli: paŭabaronca minskaha «Dynama» Arciom Bykaŭ, telekamientatar i namieśnik dyrektara departamienta markietynhu i kamunikacyj ABFF Dźmitryj Hierčykaŭ, redaktar SPORT.TUT.BY Kirył Klimiankoŭ, Arciom Łukjanienka z hurtu Naviband i Aleś-Francišak Myškievič z hurtu «The Superbullz».
Vynikovaja tablica konkursa vyhladaje tak:
- Stalica Marsa — 22.
- Laurynienka — 20.
- Mip-bend — 17.
- Mashin' Gun — 14.
- Anton Šachorski — 14.
- Kaciaryna Błockaja — 10.
- Ferris Wheel — 9.
- Lis i Les — 7.
- Adaś Hrynievič-Matafonaŭ — 7.
- Srazu Maj — 7.
- Chviedar Hruvič — 6.
Konkursnyja pieśni možna pasłuchać ci spampavać tut: VK, SoundCloud, YouTube
13 KRASAVIKA ADBUDZIECCA PIERŠY PAŬFINAŁ.
U im voźmuć udzieł Kaciaryna Błockaja, Laurynienka i «Mip-bend». U jakaści zaprošanaha hościa na scenu vyjdzie hurt «The Superbullz». Nahadajem, što lidar hurtu — Aleś-Francišak Myškievič źjaŭlajecca adnym ź siabraŭ žury konkursu.
Impreza projdzie ŭ kaviarni «Hraj» (vuł. Internacyjanalnaja 33). Pačatak, a 19-j hadzinie.
Košt kvitka — 5 rubloŭ. Kvitki možna nabyć na ŭvachodzie ŭ kaviarniu.
Daviedki pa telefonie: +375259969376.
***
DRUHI PAŬFINAŁ PROJDZIE 27 KRASAVIKA.
U im voźmuć udzieł «Stalica Marsa», Anton Šachorski i «Mashin' Gun». Pa vynikach kancertnych vystupaŭ naprykancy kožnaha z dvuch mierapryjemstvaŭ žury razam z hledačami vyznačać finalistaŭ. Dva finalisty i pazmahajucca za hałoŭnyja pryzy.
Pieramožcu vyznačyć pašyrany skład žury z futbalistaŭ, muzykaŭ, muzyčnych krytykaŭ, viadomych ludziej Biełarusi, jakija na kamieru buduć ahučvać svoj vybar. Videa z vyznačeńniem pieramožcy ŭsie ŭbačać na śviatočnym kancercie.
Pieramožcy, pryziory i ŭładalniki śpiecyjalnych pryzoŭ buduć abvieščany na vialikim finalnym kancercie, jaki projdzie naprykancy traŭnia. Akramia vystupleńnia pieramožcaŭ i zaprošanych zorak, na mierapryjemstvie adbudziecca premjera klipa dla lepšaj pieśni i prezientacyja muzyčnaj składanki «Mova — Muzyka — Futboł» ź pieśniami pa-biełarusku pryśviečanymi futbołu, jakija stvaryli biełaruskija muzyki za 26 hadoŭ niezaležnaści Biełarusi.
PADRABIAŹNIEJ PRA KONKURS MOŽNA PAČYTAĆ TUT.
SAČYĆ ZA NAVINAMI KONKURSA MOŽNA PRAZ SUPOŁKU «UKANTAKCIE».
IP Biełavus P.M. UNP 691764397