Eks-žurnalist BT Balšakoŭ, jaki «znajšoŭ» na Płoščy-2006 šprycy i porna, staŭ pres-sakratarom «Sputnika»
Jak stała viadoma «Našaj Nivie», eks-žurnalist BT Dzianis Balšakoŭ staŭ pres-sakratarom infarmacyjnaha ahienctva «Sputnik» u Biełarusi.
Dzianis Balšakoŭ.
Dzianis Balšakoŭ — asoba viadomaja. Jon aŭtar našumiełaha repartaža na BT padčas Płoščy-2006, u jakim śćviardžałasia, što ŭdzieł u pratestach biaruć narkamany. Byli pakazanyja navat šprycy, jakija, jak kažuć udzielniki tych padziej, zdymačnaja hrupa pryviezła z saboj, taksama tahačasny student žurfaka «znajšoŭ» u namiotach pratestoŭcaŭ pornačasopisy.
Paśla hetaha proźvišča Balšakova ŭ žurnalisckaj supolnaści stała nazyŭnym.
Tady, 11 hadoŭ nazad, byŭ navat ceły fłeš-mob: Balšakovu pisali sms-ki z pytańniem, ci nie soramna jamu za toj siužet. A jon pajšoŭ u sud — maŭlaŭ, u paviedamleńniach abražali jaho honar i hodnaść.
Paśla Balšakoŭ źnik z publičnaj prastory — byŭ to ŭ BRSM, to źjazdžaŭ pracavać u Kitaj. I voś ciapier viarnuŭsia ŭ Biełaruś.
U razmovie z žurnalistam «Našaj Nivy» Balšakoŭ skazaŭ tolki, što ničoha nie budzie kamientavać.