Padazravanych u zabojstvie palicejskich u Astrachani zabili padčas śpiecapieracyi
U chodzie śpiecapieracyi likvidavana čaćviora padazravanych u zabojstvie palicejskich u Astrachani (Rasii). Častka hrupy raniej napała na supracoŭnikaŭ Rashvardyi.
U Astrachani likvidavali čatyroch mužčyn, jakija padazrajucca ŭ zabojstvie palicejskich i ŭ napadzie na post Rashvardyi ŭ noč na 6 krasavika. Pra heta «Interfaksu» raspavioŭ staršy pamočnik kiraŭnika rehijanalnaha ŭpraŭleńnia Śledčaha kamiteta Rasii Andrej Chiehaj.
Pavodle jaho słoŭ, byŭ boj pamiž supracoŭnikami palicyi i padazravanymi. Pradstaŭnik upraŭleńnia Rashvardyi pa Astrachanskaj vobłaści rastłumačyŭ, što adnaho z padazravanych zabili unačy 6 krasavika, padčas napadu na supracoŭnikaŭ Rashvardyi.
«Druhi zahinuŭ paśla ranieńnia ŭ śpinu, dvoje inšych byli akružanyja i likvidavanyja. Usie jany znachodzilisia ŭ vyšuku pa spravie ab zabojstvie palicejskich», - rastłumačyŭ surazmoŭca ahienctva, dadaŭšy, što strat siarod bajcoŭ Rashvardyi niama.
Hubiernatar Astrachanskaj vobłaści Alaksandr Žyłkin paviedamiŭ u svaim Twitter ab zaviaršeńni śpiecapieracyi.
