Minabarony Ukrainy: Rasija ściahnuła da ŭkrainskaj miažy 18 tysiač vajennych
Rasija zasiarodziła na miažy z Ukrainaj kala 18 tysiač vajennych i vialikuju kolkaść vajennaj techniki. Pra heta zajaviŭ pieršy namieśnik ministra abarony Ukrainy Ivan Rusnak ŭ chodzie pasiadžeńnia Mižparłamienckaj rady Ukraina-NATA ŭ Kijevie 5 krasavika, paviedamlaje «Ukrinform».
«Na terytoryi Rasijskaj Fiederacyi ŭ niepasrednaj blizkaści da miažy Ukrainy na siońnia razhornutyja padraździaleńni rasijskich Uzbrojenych sił kolkaściu bolš za 18 000 vajennych, kala 1 370 tankaŭ i bajavych braniravanych mašyn, kala 300 artyleryjskich sistem i sistem załpavaha ahniu, kala 700 bajavych samalotaŭ i viertalotaŭ, 24 bajavyja karabli», — raspavioŭ jon.
Pa słovach pieršaha namieśnika ministra abarony, Rasija vypraboŭvaje va Ukrainie novyja formy i sposaby viadzieńnia bajavych dziejańniaŭ, najnoŭšyja ŭzory ŭzbrajeńnia i vajennaj techniki.