Zaviaršyć tydzień karysna — «Kultura rodnaha kraju» zaprašaje na vandroŭku pa Lachavickich miaścinach
«Kultura rodnaha kraju» zaprašaje na vyjaznuju vandroŭku z ekskursavodam Ivanam Sacukievičam pa aŭtarskim maršrucie «Lachavickija tajamnicy». Vandroŭka adbudziecca ŭ niadzielu, 9 krasavika.
Ekskursija pryśviečanaja histaryčnym i architekturnym admietnaściam Lachaŭskaha rajona Bresckaj vobłaści. Jana ŭklučaje ŭ siabie taksama kancert u styli folk-bluz na vieršy represavanych biełaruskich paetaŭ. Vykanaŭcam vystupić hurt «Bałcki Substrat» pad kiraŭnictvam muzyki, kampazitara i daśledčyka Maksima Iŭkina.
Maršrut vandroŭki: Darava — Flerjanava — Karanieŭščyna — Padleśsie — Lachavičy — Hrušaŭka — Kryvošyn — Miadźviedzičy — Saviejki.
U Darava zapłanavany ahlad kaścioła Uniebaŭziaćcia Najśviaciejšaj Panny Maryi (1938). Heta adzin z samych aryhinalnych u Biełarusi chramaŭ, pry ŭźviadzieńni jakoha vykarystoŭvalisia bietonnyja błoki niamieckich DAKaŭ Pieršaj suśvietnaj vajny. Taksama budzie mahčymaść daviedacca pra pakručasty los probašča kaścioła, viaźnia HUŁAHu, «amierykanskaha špijona» Stanisłava Šapleviča.
U Flerjanava ŭdzielniki naviedajuć ramantyčnuju siadzibu Bochvicaŭ (1870), zbudavanuju z čyrvonaj cehły. Daviedajucca, čamu ŭ hetaj siadzibie časta haściavała viadomaja piśmieńnica Eliza Ažeška, a taksama paznajomiacca z najcikaviejšym siońniašnim uładalnikam hetaj siadziby — apantanym dzivakom, byłym staršynioj kałhasa, 80-hadovym Hienrycham Michajłavičam Traćciakom, jaki vykupiŭ siadzibu za adnu bazavuju vieličyniu i štomiesiac razam z žonkaj vydatkoŭvaje 50% svajoj piensii na jaje adnaŭleńnie.
U vioscy Padleśsie ŭdzielnikaŭ čakaje sustreča ź dziŭnym draŭlanym pravasłaŭnym chramam, jaki spałučaje ŭ svaim styli baroka i kłasicyzm. U Padleśsi naradziŭsia adzin z samych viadomych biełaruskich śviataroŭ-navamučanikaŭ Sierafim Žyrovicki. Padčas Druhoj suśvietnaj vajny jon adkryŭ va Uschodniaj Biełarusi 74 pravasłaŭnyja chramy, začynienyja balšavikami, za što paśla vajny byŭ žorstka zakatavany ŭ HUŁAHu.
U Lachavičach udzielniki zmohuć razhadać adrazu niekalki tajamnic. Pa-pieršaje, zrazumiejuć, čamu hety horad tak nazyvajecca, a zaadno raskryjuć zahadku pachodžańnia nazvy raki Viedźmy, na bierahach jakoj jon raźmieščany. Pa-druhoje, daviedajucca, čamu ŭładalnicaj horada ŭ siaredzinie 16 st. była Barbara Radzivił. Taksama zmohuć addać daninu pamiaci bitvie, što adbyłasia tam u 1660 hodzie i mocna paŭpłyvała na los biełaruskaha naroda. Daviedajucca, jak i čamu amal 120 hadoŭ znachodziŭsia ŭ Lachavičach cudatvorny abraz Maci Božaj Białynickaj.
U Hrušaŭcy budzie mahčymaść uzhadać historyju apošniaha hieroja Rečy Paspalitaj Tadevuša Rejtana — biełaruskaha šlachciča, jaki ŭ adzinočku ździejśniŭ hieraičny čyn pratestu suprać padziełu Rečy Paspalitaj u 1772 hodzie. Ekskursanty naviedajuć siadzibna-parkavy ansambl Rejtanaŭ. Razynka vandroŭki — nieahatyčnaja kaplica-pachavalnia Rejtanaŭ u Hrušaŭcy.
U Kryvošynie hrupa pabačyć vieličnuju Pakroŭskuju carkvu, były kaścioł 1740 hoda pabudovy. Taksama naviedaje Miadźviedzičy i miascovy kaścioł Śviatych Piatra i Paŭła (1908). Na zaviaršeńnie ekskursii ŭ Saviejkach zapłanavana naviedvańnie pałacava-parkavaha kompleksa Navickich 1850 hoda.
Košt vandroŭki — 38 bieł. rub, dla zaŭsiodnikaŭ i dla hrup ad 4-ch čałaviek (pry ŭmovie papiaredniaj apłaty) — 35 bieł. rub.
Sumarnaja praciahłaść ekskursii — kala 12 hadzin.
Zapis na vandroŭku i ŭsia papiaredniaja infarmacyja pa telefonach: +375291342804, +375255458430 (Valeryja).
Pryvatnaja kulturna-aśvietnickaja ŭstanova «Kultura rodnaha kraju» UNP 192664818
