Błoh ekanamista Iosuba zabłakavali ŭ Rasii za pieradruk repartaža z Danbasa
Viadomy ekśpiert pa ekanamičnych pytańniach Vadzim Iosub atrymaŭ apaviaščeńnie pra toje, što jaho błoh u sacyjalnaj sietcy Livejournal zabłakavany na terytoryi Rasii pa patrabavańni Hienprakuratury RF. Padstavaj dla błakavańnia pasłužyła pieradrukoŭka repartažu Dźmitryja Hałko z pasiołka Piaski pad Danieckim aeraportam.
Jak stała viadoma «Biełpartyzanu», siońnia, 3 krasavika, ekśpiert atrymaŭ ad LiveJournal Abuse Prevention Team list nastupnaha źmiestu:
«Pavažany karystalnik iossub,
Paviedamlajem vam jak ŭładalniku błoha http://iossub.livejournal.com ab abmiežavańni apieratarami suviazi na terytoryi Rasijskaj Fiederacyi dostupu da vašaha infarmacyjnaha resursu http://iossub.livejournal.com na padstavie patrabavańnia Hienieralnaj prakuratury ad 2015/03/12 № 27-31- 2015 / Id831-15 u suviazi z raźmiaščeńniem pa adrasie http://iossub.livejournal.com/181980.html infarmacyi, jakaja ŭtrymlivaje zakliki da masavych biesparadkaŭ, ažyćciaŭleńnia ekstremisckaj dziejnaści ci ŭdziełu ŭ masavych (publičnych) mierapryjemstvach, jakija pravodziacca z parušeńniem ustanoŭlenaha paradku.
Infarmujem vas, što vy majecie prava vydalić infarmacyju, jakaja źmiaščaje zakliki da masavych biesparadkaŭ, ažyćciaŭleńnia ekstremisckaj dziejnaści, udziełu ŭ masavych (publičnych) mierapryjemstvach, jakija pravodziacca z parušeńniem ustanoŭlenaha paradku, i nakiravać apaviaščeńnie pra heta ŭ Fiederalnuju słužbu pa nahladzie ŭ śfiery suviazi, infarmacyjnych technałohij i masavych kamunikacyj, pa adrasie [email protected], pakazaŭšy ŭ temie lista identyfikatar zapisu 51535-HB, z metaj praviadzieńnia pravierki i adnaŭleńnia dostupu pry paćviardžeńni faktu vydaleńnia».
Repartaž Dźmitryja Hałko ab udziele ŭ bajach pad Danieckim aeraportam «Pravyja padraździaleńni siektara» byŭ napisany i apublikavany vosieńniu 2014 hoda. Zaŭvažym, što jakich-niebudź zaklikaŭ da «masavych biesparadkaŭ i ažyćciaŭleńnia ekstremisckaj dziejnaści» jon nie ŭtrymlivaŭ.
Błoh samoha žurnalista taksama zabłakavany pa rašeńni Hienprakuratury RF, Dźmitryj Hałko atrymaŭ siońnia ad LiveJournal Abuse Prevention Team anałahičnaje paviedamleńnie.
