Na vybarach pa partyjnych śpisach u Armienii pieramahaje partyja ŭłady
Prezident Armienii Sierž Sarhsian.
U parłamient Armienii prachodziać čatyry partyi, a lidziruje kirujučaja Respublikanskaja partyja z 49% hałasoŭ, pakazvajuć vyniki padliku hałasoŭ, paviedamiła News.am.
Druhoje miesca z 28%, pa dadzienych apytańnia, u «Błoka Carukiana». Treci radok zajmaje apazicyjny błok «Jełk» («Vyjście») — 8%. «Jełk» — adzinaja siła, jakaja vystupaje za intehracyju ź Jeŭrapiejskim sajuzam, a nie Jeŭrazijskim sajuzam. Na čaćviortaj pazicyi — padkantrolnaja ŭładam Armianskaja revalucyjnaja fiederacyja Dašnakcuciun z 7%.
Dla prachodžańnia ŭ parłamient partyjam nieabchodna nabrać bolš za 5% hałasoŭ, partyjnym błokam — bolš za 7%.
Armienija — adzin z samych viernych sajuźnikaŭ Rasii, jana ŭvachodzić va ŭsie intehracyjnyja struktury, stvoranyja Maskvoj.