Erdahan nazvaŭ hałoŭnuju pryčynu, čamu Turcyju nie prymajuć u ES

Prezident Turcyi Redžep Taip Erdahan ličyć, što intehracyi respubliki ŭ Jeŭrasajuz pieraškadžaje pierš za ŭsio relihijny faktar. Ab hetym kiraŭnik dziaržavy zajaviŭ na mitynhu ŭ Ankary ŭ niadzielu.

«Vy viedajecie, čamu Turcyja nie moža ŭstupić u ES užo 54 hady? Pryčyna całkam zrazumiełaja: ES — heta chryścijanski sajuz», — skazaŭ prezident. Pavodle jaho słoŭ, jeŭrapiejskija lidary nikoha nie słuchajuć tak pakorliva, jak Papu Rymskaha, sustreča ź jakim u ich adbyłasia 24 sakavika.

«Jany chłusili nam 14 hadoŭ zapar. I praciahvajuć heta rabić», — zajaviŭ Erdahan.

Prezident taksama adznačyŭ, što na refierendumie pa ŭniasieńni źmianieńniaŭ u kanstytucyju Turcyi, jaki adbudziecca 16 krasavika, «budzie dadzieny adkaz na pazicyju ES».

0

0

0

0

0

0