Eks-daradca Trampa pryznaŭsia ŭ atrymańni hrošaj ad rasijskich kampanij
Były daradca prezidenta ZŠA Donalda Trampa pa nacyjanalnaj biaśpiecy Majkł Flin u svajoj pieršapačatkovaj dekłaracyi schavaŭ płaciažy, atrymanyja ŭ 2015 hodzie ad rasiejskich kampanij, u pryvatnaści ad telekanała RT, «Łabaratoryi Kaśpierskaha» i avijakampanii «Vołha-Dniepr». Pra heta paviedamlaje The Washington Post sa spasyłkaj na apublikavanyja Biełym domam dakumienty.
U pryvatnaści, Bieły dom apublikavaŭ dźvie dekłaracyi. Adna ź ich padpisana Flinam 11 lutaha jašče da adstaŭki, druhaja - 31 sakavika. U druhoj były daradca prezidenta pakazaŭ, što atrymlivaŭ hanarary za vystupy na mierapryjemstvach, arhanizavanych rasijskim telekanałam RT, amierykanskaj daččynaj kampanijaj «Łabaratoryi Kaśpierskaha» i amierykanskaj kampanijaj, źviazanaj z hruzavym avijapieravozčykam «Vołha-Dniepr».
Kolki mienavita atrymaŭ Flin za supracoŭnictva z hetymi kampanijami, u dekłaracyi nie ŭkazvałasia, ale pieraličanyja dachody byli paznačany ŭ raździele «krynicy dachodu, jakija pieravyšajuć $ 5 tys. u hod».
