Rasijski fihuryst Jaŭhien Pluščanka abviaściŭ ab zaviaršeńni karjery
Dvuchrazovy alimpijski čempijon pa fihurnym katańni Jaŭhien Pluščanka abviaściŭ ab zaviaršeńni svajoj spartyŭnaj karjery. Takuju zajavu jon zrabiŭ u intervju telekanału «Matč TV».
TASS
«Što tyčycca mianie, to ja nie pajedu jak spartsmien [na Alimpijadu-2018]. Ja skončyŭ karjeru ŭ sporcie. Adkryvaju svaju akademiju, dzie budu pracavać u jakaści treniera. Kali my sa spartsmienami paśpiejem padrychtavacca da Alimpijady, moža być i pajedu», — skazaŭ Pluščanka.
Na pytańnie žurnalista ab tym, kali Pluščanka pryniaŭ hetaje rašeńnie, toj adkazaŭ, što jašče hod tamu, paśla čarhovaj apieracyi.
«Z moładździu niemahčyma ciapier spaborničać — mnie tak zdajecca. Jość niejkaja miaža. U mianie było 15 apieracyj, vystupać na piataj Alimpijadzie — składana. Ja ŭžo najeŭsia», — skazaŭ Pluščanka.
Pluščanka, adzin z samych tytułavanych rasijskich fihurystaŭ, užo abjaŭlaŭ ab zaviaršeńni karjery. Heta adbyłosia na Alimpijadzie ŭ Sočy ŭ 2014 hodzie. Tady jamu z-za traŭmy daviałosia źniacca z mužčynskaha adzinočnaha turniru pierad vystupam u karotkaj prahramie.
