Arhanizatary «Jeŭrabačańnia» pryhrazili Ukrainie adchileńniem ad konkursu z-za situacyi z Rasijaj
Hienieralny dyrektar Jeŭrapiejskaha viaščalnaha sajuza (EBU) Inhryd Dełtenre zajaviła, što kali na praciahu nastupnych tydniaŭ nie budzie znojdzienaje rašeńnie pa ŭdziele Rasii ŭ konkursie, Ukraina moža być časova adchilenaja ad «Jeŭrabačańnia». Takuju zajavu Dełtenre zrabiła ŭ intervju šviejcarskamu vydańniu Blick, paviedamlaje RBK.
«Takija pavodziny Ukrainy absalutna nieprymalnyja», — zajaviła jana, dadaŭšy, što ŭ ciapierašni čas viaducca pieramovy z ukrainskim premjeram Uładzimiram Hrojsmanam i prezidentam Ukrainy Piatrom Parašenkam pa pošuku «aptymalnaha rašeńnia».
«Ja hłyboka škaduju, što «Jeŭrabačańnie» vykarystoŭvajuć dla palityčnych hulniaŭ», — zajaviła Dełtenre. «Konkurs pavinien radavać miljony ludziej i abjadnoŭvać ich, a nie nastrojvać ich adno suprać adnaho», — dadała jana.
Zajavy hiendyrektara Jeŭrapiejskaha viaščalnaha sajuza, jaki źjaŭlajecca arhanizataram piesiennaha konkursu «Jeŭrabačańnie», hučać na fonie rašeńnia ŭładaŭ Ukrainy zabaranić ujezd u krainu Julii Samojłavaj, jakaja pavinna była pradstaŭlać Rasiju na konkursie. Rašeńnie ŭnieści Samojłavu ŭ «stop-list» dla naviedvańnia Ukrainy Kijeŭ abhruntavaŭ tym, što śpiavačka vystupała na fiestyvali ŭ anieksavanym Krymie.
U suviazi ź situacyjaj EBU raniej prapanavaŭ zładzić dystancyjny ŭdzieł Samojłavaj u konkursie — tranślavać jaje vystup padčas konkursu pa spadarožniku. Adnak «Pieršy kanał», jakomu było zroblenaja takaja prapanova, adchiliŭ jaje. Kijeŭ, kamientujučy prapanovu EBU, zajaviŭ, što varyjant ź videatranślacyjaj vystupu Samojłavaj taksama stanie parušeńniem ŭkrainskich zakonaŭ.
Na minułym tydni vice-premjer Ukrainy Viačasłaŭ Kirylenka kazaŭ, što kraina hatovaja pryniać usich udzielnikaŭ konkursu, u tym liku i ad Rasii, ale tolki taho, chto nie byŭ zaŭvažany ŭ parušeńni ŭkrainskaha zakanadaŭstva.