Italjanskaja, biełaruskaja, cyhanskaja: na «Jeŭrabačańni» tolki čatyry krainy buduć śpiavać całkam na nacyjanalnych movach
Imavierna, niechta ź ich budzie pieramožcam konkursu.
Usio mieniej času zastajecca da pačatku 62-ha konkursu pieśni «Jeŭrabačańnie». Sioleta jon projdzie ŭ Kijevie. Paŭfinały adbuducca 9 i 11 maja, a finał 13 maja.
My ŭžo pisali pra favarytaŭ sioletniaha konkursu. Na hety raz vyrašyli spynicca na tym, jakija krainy vyrašyli addać pieravahu ŭ śpievach svaim nacyjanalnym movam, a nie anhlijskaj.
Najpierš heta, kaniečnie ž, Frančeska Habani. Biezumoŭny favaryt «Jeŭrabačańnia». Bukmiekiery jašče bolš pavieryli ŭ jahony pośpiech. Ciapier staŭki na jaho pieramohu prymajucca z kaeficyjentam 1,375 da 1. Faktyčna, działki ŭpeŭnienyja, što pieramoha ŭpieršyniu ad 1990 hoda dastaniecca Italii.
Apošnim pieramožcam ad Italii byŭ Tota Kutuńjo ź pieśniaj Insieme 1992, pryśviečanaj jeŭrapiejskamu adzinstvu.
Frančeska Habani ŭ svaim chicie ŭ vielmi žorstka krytykuje siońniašniaje zachodniaje hramadstva z razumnikami, što siadziać u kaviarniach, internet-ekśpiertami i zaležnymi ad sełfi. «Rozum užo nie ŭ modzie, u modzie banalnyja adkazy, biessensoŭnyja vybary», — śpiavaje Habani.
Pa-partuhalsku budzie śpiavać Salvador Sabral. U bukmiekieraŭ jon idzie na piatym miescy z kaeficyjentam 10 da 1. Pieśnia Sabrala nazyvajecca «Kachańnie dvaich». Unutranaja publika reahuje na partuhalca vielmi zachoplena. Jon budzie adzinym śpiavać nie pa-anhlijsku ŭ pieršym paŭfinale.
Vienhryja adpraviła na «Jeŭrabačańnie» repiera cyhanskaha pachodžańnia Jocy Papai. Častku pieśni jon praśpiavaje pa-vienhiersku, a častku — pa-cyhansku. Na scenu Papai vychodzić u nacyjanalnym cyhanskim kaściumie. U bukmiekieraŭ Vienhryja na 10-m miescy z šancami 25 da 1.
Nu i, urešcie, pa-biełarusku buduć śpiavać našy pradstaŭniki na «Jeŭrabačańni» NAVI. Pakul bukmiekiery nizka aceńvajuć našy šancy, ale, uličvajučy papularnaść nacyjanalnych movaŭ na sioletnim «Jeŭrabačańni», možna čakać bolšaha praryvu.
Taksama vykanaŭcy z Francyi i Ispanii buduć śpiavać častkova na svaich movach, a častkova — na anhlijskaj. Charvatyja vyrašyła adpravić u Kijeŭ kampazicyju na italjanskaj i anhlijskaj.
