Mužčyna, jaki ŭciok z «chimii», napaŭ na taksista ŭ Lidskim rajonie
Mužčyna, jaki ŭciok z «chimii», napaŭ na taksista ŭ Lidskim rajonie, paviedamili ŭ pres-słužbie UUS Hrodzienskaha abłvykankama.
Zdareńnie adbyłosia ŭnačy ŭ rajonie vioski Cybory. Nieviadomy jechaŭ u taksi, zrabiŭ vyhlad, što jamu drenna, a paśla taho, jak kiroŭca prytarmaziŭ, napaŭ na jaho, uvatknuŭšy vostry pradmiet u šyju. Zatym jon uciok. Padazreńnie pała na mužčynu 1986 hoda naradžeńnia, raniej sudzimaha žychara Słuckaha rajona. Jon adbyvaje pakarańnie za razboj na «chimii» u Ščučynskim rajonie, a niezadoŭha da zdareńnia źbieh. Matyvam napadu na taksista, pa papiaredniaj infarmacyi, stała niežadańnie raźličycca. Kiroŭca taksi špitalizavany.
Padazravany ranicaj byŭ abvieščany ŭ vyšuk i nieŭzabavie zatrymany. Raspačataja kryminalnaja sprava pa artykule «Chulihanstva».
