Što kaža kiraŭnictva kaviarniaŭ, u jakija nibyta nie puskali ludziej padčas razhonu 25 sakavika
Padčas akcyi na Dzień Voli ŭ Minsku 25 sakavika niekatoryja kramy i kaviarni nibyta nie zapuskali ludziej, jakija chacieli schavacca ad źbićcia amapaŭcami. Pra heta ŭdzielniki šeścia pisali ŭ sacyjalnych sietkach. Ustanovy vyviešvali šyldy ab techničnych pierapynkach, niekatoryja prosta začynialisia znutry.
Pra jakija kaviarni i restarany kažuć ludzi?
1. Restaran «Lido» (pr-t Niezaležnaści, 49)
2. Restaran «MakDonalds» (pr-t Niezaležnaści, 23)
3. Kaviarnia «Štole» (pr-t Niezaležnaści, 53)
Voś skrynšoty z sacsietak:
Skrynšot z sajta citydog.by.
Što kažuć u kaviarniach?
«Lido»
Da pryjomnaj dyrekcyi my tak i nie zmahli datelefanavacca. U administracyi restarana «Lido» na praśpiekcie Niezaležnaści nie zrazumieli sutnaść pytańnia: «Ja ničoha kamientavać nie budu, bo ja nie pracavała ŭ hety dzień. Usie kamientary vy možacie atrymać u dyrektara. My pracavali, jak zvyčajna».
«MakDonalds»
My adpravili list na poštu dyrekcyi «MakDonalds». Voś jaki pryjšoŭ adkaz:
«U adkaz na vaš zapyt paviedamlajem, što restaran «MakDonalds» pa adrasie pr. Niezaležnaści, 23 byŭ začynieny na niepraciahły čas 25 sakavika z-za techničnych pryčyn, źviazanych z apieracyjnaj dziejnaściu restarana».
«Štole»
U administracyi vielmi burna adreahavali na abvinavačvańni ŭ zakryćci.
«Naša ŭstanova pracavała, my možam pradastavić čeki. Kali budzie niejki paklop, to ja budu sudzicca. Moža, chtości dźviery šturchaŭ nie ŭ toj bok? Chto chacieŭ, toj zachadziŭ, bo była poŭnaja zała ludziej. Było šmat raziavak, chtości sapraŭdy chacieŭ schavacca. My što, zasłon niejki vystaŭlali? Chaj da mianie pryjdzie asabista toj, kaho nie puścili. U nas šmat śviedkaŭ — jak naviedvalnikaŭ, tak i supracoŭnikaŭ», — zajavili ŭ administracyi «Štole».
