U budynak padatkovaj u Homieli kinuli kaktejl Mołatava
Homielskim haradskim adździełam Śledčaha kamiteta zaviedziena kryminalnaja sprava pa prykmietach składu złačynstva, praduhledžanaha č.2 art.218 (naŭmysnaje paškodžańnie majomaści, ździejśnienaje ahulnaniebiaśpiečnym sposabam) Kryminalnaha kodeksa Respubliki Biełaruś, paviedamlaje pres-słužba SK.
Siońnia kala 8 hadzin ranicy ŭ administracyjnym budynku inśpiekcyi Ministerstva pa padatkach i zborach pa Homielskim rajonie było vyjaŭlena akno, paškodžanaje pradmietam z zapalnaj sumieśsiu.
Padčas ahladu miesca zdareńnia śledčymi vyjaŭlenyja i kanfiskavanyja askiepki šklanych butelek, abkuradymlenyja tkaninaj z pacham haruča-zmazačnych materyjałaŭ, havorycca ŭ paviedamleńni.
Pa kryminalnaj spravie pravodzicca kompleks śledčych dziejańniaŭ i apieratyŭna-vyšukovych mierapryjemstvaŭ. Pryznačany šerah ekśpiertyz, u tym liku pažarna-techničnaja ekśpiertyza i ekśpiertyza haruča-zmazačnych materyjałaŭ.
Dla akazańnia praktyčnaj dapamohi na miescy zdareńnia pracujuć supracoŭniki kryminalistyčnaha adździeła USK pa Homielskaj vobłaści.
