Ułady ładziać u Kurapatach 25 sakavika subotnik
Pracoŭnaja akcyja projdzie ŭ Kurapatach 25 sakavika, paviedamiŭ siońnia žurnalistam staršynia Fiederacyi prafsajuzaŭ Biełarusi Michaił Orda, pieradaje BiełTA.
«Fiederacyja prafsajuzaŭ zaklikaje ŭsich nieabyjakavych hramadzian, arhanizacyi niezaležna ad palityčnych prychilnaściaŭ, vieravyznańnia pryniać udzieł u hetaj dobraj spravie», — skazaŭ staršynia FPB. Jon adznačyŭ, što zajaŭki na ŭdzieł ad hramadzian i arhanizacyj užo pastupajuć.
Michaił Orda taksama adznačyŭ, što płanujecca abjavić konkurs na stvareńnie miemaryjała pamiaci i smutku ŭ Kurapatach. Konkurs budzie prachodzić adkryta. Prajekt miemaryjała, jaki stanie pieramožcam, pavinien budzie ŭvasablać histaryčnaje značeńnie Kurapataŭ.
«My siońnia pavinny razam pieraadolvać isnujučyja składanaści i zachoŭvać pamiać, - padkreśliŭ Michaił Orda. - Nielha na pamiaci zarablać sumnieŭnyja palityčnyja dyvidendy, tym bolš kali hetymi pravakacyjami karystajucca dla taho, kab razhajdać hramadstva».
