U Paŭdniovym Sudanie raźbiŭsia pasažyrski samalot

U Paŭdniovym Sudanie paciarpieŭ krušeńnie samalot. Jak paviedamlajuć infarmahienctvy, łajnier upaŭ siońnia na terytoryi pavietranaj havani horada Vau.

Zhodna z papiaredniaj infarmacyjaj, na borcie samalota było 44 pasažyry. Jak miarkujecca, usie jany zahinuli.

Pavodle danych partała Airlive, raźbiŭsia samalot kampanii South Supreme Airlines z Sudana. Samalot paciarpieŭ krušeńnie, kali rabiŭ avaryjnuju pasadku.

Pa infarmacyi mieniedžara aeraporta Vau Styviena Junhule, pavietranaje sudna dakranułasia da ŭźlotnaj pałasy, padskočyła, raźbiłasia i zaharełasia. Adnak ekipaž svoječasova adkryŭ dźviery samalota, a vyratavalniki spracavali apieratyŭna. U vyniku zahinułych u katastrofie niama.

0

0

0

0

0

0