Pamiežniki nie puścili ŭ Biełaruś japonca z «čornaha śpisu»
Pamiežniki nie puścili ŭ Biełaruś japonskaha fryłansiera sa śpisu niepažadanych asob. Pra heta siońnia žurnalistam paviedamiŭ aficyjny pradstaŭnik Dziaržaŭnaha pamiežnaha kamiteta Anton Byčkoŭski, pieradaje BIEŁTA.
Fryłansier ź Japonii prybyŭ u Nacyjanalny aeraport Minsk. Jaho nie prapuścili orhany pamiežnaj słužby ŭ suviazi sa znachodžańniem u śpisach asob, jakim ujezd na terytoryju Biełarusi zabaronieny abo niepažadany.
Jak rastłumačyŭ pieršy namieśnik načalnika atrada pahraničnaha kantrolu «Minsk» Rusłan Mikulič, viečaram 19 sakavika ŭ chodzie pahraničnaha kantrolu pasažyraŭ rejsa Kijeŭ—Minsk u Nacyjanalnym aeraporcie «Minsk» vyjaŭleny hramadzianin Japonii 1969 hoda naradžeńnia. U chodzie pravierki vyśvietliłasia, što mužčyna znachodzicca ŭ śpisie asob, ujezd jakim na terytoryju Respubliki Biełaruś zabaronieny abo niepažadany.
«U chodzie razboru my zmahli vyjavić, što dadzienaja asoba taksama znachodziłasia na terytoryi Ukrainy i Respubliki Irak padčas viadzieńnia bajavych dziejańniaŭ, ab čym śviedčyli adznaki ŭ pašparcie zamiežnika», — raspavioŭ Rusłan Mikulič. Akramia taho, analiz adkrytych krynic infarmacyi pakazaŭ, što hramadzianin Japonii zatrymlivaŭsia na terytoryi Iraka pa padazreńni ŭ dačynieńni da dziejnaści terarystyčnaj arhanizacyi «Isłamskaja dziaržava» ŭ kastryčniku 2016 hoda.
Hramadzianin Japonii praź miažu Biełarusi prapuščany nie byŭ.