U stalicy Siryi adnavilisia žorstkija bai
Na ŭschodnich uskrainach Damaska iduć žorstkija bai pamiž uradavymi siłami i paŭstancami, paviedamlajuć žychary siryjskaj stalicy.
Pasiarod horada vybuchali artyleryjskija snarady i rakiety, zapuščanyja paŭstancami, jakija niečakana napali na horad.
Pierad tym, jak napaści na abarončyja linii ŭradavych vojskaŭ, paŭstancy ŭzarvali ŭ rajonie Džabar dva načynienyja vybuchoŭkaj aŭto, za rulom jakich byli śmiarotniki.
Armija adkazała na heta avijaŭdarami.
Siryjskija dziaržaŭnyja ŚMI paviedamlajuć, što dla ataki ŭ Džabary paŭstancy vyryli sakretnyja tuneli.
Bolšaść terytoryi Damaska znachodzicca ŭ rukach uradavych vojskaŭ. Bai za rajon Džabar, raźmieščany adnosna niedaloka ad centra, praciahvajucca ŭžo bolš za dva hady.
Na minułym tydni ad dvuch napadaŭ bambistaŭ-śmiarotnikaŭ u Damasku zahinuli bolš za 50 čałaviek.
Napady supali z šostaj hadavinaj paŭstańnia suprać prezydenta Bašara Asada.