Amierykancy pačali pazityŭna aceńvać pracu Trampa jak prezidenta
Prajšli amal dva miesiacy prezidenctva Donalda Trampa. Jaho rejtynhi zastavalisia na rekordna nizkich uzroŭniach, adnak apošniaje apytańnie pakazała, što jaho jak prezidenta, mahčyma, pačynaje padtrymlivać bolšaść nasielnictva.
worldnow.com
Apytańnie, jakoje pravodziła firma Morning Consult pa zamovie partała Politico, pakazała, što 52% amierykancaŭ pazityŭna aceńvajuć dziejnaść Trampa na samaj upłyvovaj u śviecie pasadzie. 43% staviacca da pracy respublikanskaha prezidenta admoŭna.
Jašče dva tydni tamu daśledavańni pakazvali, što 46% hramadzian ZŠA nieprychilna staviacca da prezidenta, i tolki 43 — naadvarot.
Padobnyja vyniki pakazvali i inšyja apytańni, jakija pravodzilisia z momantu inaŭhuracyi 45-ha prezidenta Złučanych Štataŭ.
Politico uchiliłasia ad analizu źmien u nastrojach vybarcaŭ, adnak adznačyła, što adnosnaja bolšaść amierykancaŭ (46 suprać 35%) vystupajuć za anansavanuju Trampam likvidacyju sistemy strachavoj miedycyny, jakuju ŭvioŭ papiaredni prezident Barak Abama.
Adnačasova apytańni ŭ kancy lutaha pakazvali, što bolšaść vybarcaŭ, jak by jany ni stavilisia da Trampa, pryznajuć, što jon vykonvaje svaje pieradvybarčyja abiacańni.
Tramp staŭ pieršym prezidentam ZŠA z admoŭnym rejtynham acenki pracy ŭ pieršy miesiac svajho prezidenctva, śviedčyła lutaŭskaje apytańnie NBC News/Wall Street Journal.
