U žury premii «Kniha hoda» žonka prahałasavała za knihu muža, a muž — za žončynu
Nasupierak vynikam čytackaha hałasavańnia, hałasami žury premiju «Kniha hoda» i 1000 jeŭra atrymała paetka Nasta Kudasava za zbornik vieršaŭ «Majo nievymaŭla». Hetaja kniha atrymała 21 hołas.
Druhoje i treciaje miesca padzialili knihi Uładzimira Arłova i Paŭła Tatarnikava «Ajčyna: malaŭničaja historyja. Ad Rahniedy da Kaściuški» i «Bezavy i čorny» Alhierda Bachareviča.
U narodnym ža hałasavańni za «Knihu hoda» pieramahła kniha Andrusia Horvata «Radziva Prudok». U pieršuju trojku ŭvajšli taksama «Ajčyna. Ad Rahniedy da Kaściuški» Uładzimira Arłova i Paŭła Tatarnikava i «1813» Uładzimira Sadoŭskaha.
Premija «Kniha hoda» zasnavanaja PEN-centram. Vydańni naminujuć sami piśmieńniki, ź ich składu ŭtvarajecca i žury. U toj ža čas na staroncy kniha.of.by hałasavali čytačy.
Što cikava, udzielnik žury Alhierd Bacharevič prahałasavaŭ za knihu svajoj žonki Julii Cimafiejevaj. A Julija Cimafiejeva prahałasavała za knihu muža, Alhierda Bachareviča.
Hałasy žury vystaŭlenyja ŭ adkryty dostup na sajcie premii.
