Niečakanaść: premiju «Kniha hoda — 2016» atrymaŭ nie Horvat, a zbornik vieršaŭ Nasty Kudasavaj
Pa vynikach hałasavańnia prafesijnaha žury premiju «Kniha hodu» i 1000 eŭra atrymała paetka Nasta Kudasava za zbornik vieršaŭ «Majo nievymaŭla». Hetaja kniha atrymała 21 hołas.
Fota z fejsbuka Andreja Chadanoviča
Pavodle vynikaŭ hałasavańnia prafesijnaha žury, jakoje składajecca ź piśmieńnikaŭ i paetaŭ, aŭtaraŭ knižak, druhoje i treciaje miesca z 16 hałasami padzialili knihi Ŭładzimiera Arłova i Paŭła Tatarnikava «Ajčyna: malaŭničaja historyja. Ad Rahniedy da Kaściuški» i «Bezavy i čorny» Alhierda Bachareviča.
U narodnym ža hałasavańni za «Knihu hodu» pieramahła kniha Andrusia Horvata «Radziva Prudok». U pieršuju trojku ŭvajšli taksama «Ajčyna. Ad Rahniedy da Kaściuški» Ŭładzimira Arłova i Paŭła Tatarnikava i «1813» Uładzimiera Sadoŭskaha.
Na premiju PEN-centra «Kniha hodu» litaratary vyłučyli 48 knih, siarod ich było abrana 15, jakija zhadvalisia najčaściej. Knihi na premiju naminavali tolki piśmieńniki, ź ich składu i było ŭtvorana žury. U toj ža čas na staroncy kniha.of.by kožny čytač moh stać udzielnikam narodnaha žury i prasunuć u top rejtynhu svajho lubimaha aŭtara.