Kala Pałaca niezaležnaści chočuć pabudavać haściničny kompleks
U administracyi Centralnaha rajona na hramadskaje abmierkavańnie vystaŭleny horadabudaŭničy prajekt detalovaha płanavańnia terytoryi častcy parkavaha kompleksu «Drazdy» ŭ miežach pr. Pieramožcaŭ — prajezd u rezidencyju «Drazdy» — paŭnočna-ŭschodniaja łandšaftna-rekreacyjnaja zona 46 ŁR-2 — vuł. Arłoŭskaja (ŭniasieńnie źmianieńniaŭ).
Terytoryja, ab jakoj idzie havorka, znachodzicca kala parku zabaŭ «Drymłend», piša Tut.by.
Pa prajekcie da 2030 hoda tut praduhledžvajucca:
— rekanstrukcyja parkavych terytoryj, u tym liku: haradskoha skviera z krynicaj (arhanizacyja zon cichaha adpačynku, placovak dla raźmiaščeńnia časovych kropak hramadskaha charčavańnia, punkta prakatu rovaraŭ z zonaj adpačynku dla ravarystaŭi h. d.); spartyŭna-azdaraŭlenčaha parku z łyžarolernaj trasaj (rekanstrukcyja łyžarolernaj trasy i vieładarožak, piešachodnych darožak i nabiarežnaj z dobraŭparadkavanym plažam);
— raźvićcio parku zabaŭ «Drymłend» z akvaparkam i atrakcyjonami;
— dobraŭparadkavańnie parkavaj terytoryi ŭzdoŭž vuł. Arłoŭskaj z arhanizacyjaj tematyčnaha parku «mini-Biełaruś» z ekspazicyjaj i budynkami administracyi, kafe i paviljonami;
— stvareńnie ahulnaharadskoha i rajonnaha špacyrnaha parku na levym bierazie r. Śvisłačy z vysokim uzroŭniem dobraŭparadkavańnia i raźmiaščeńniem fizkulturna-azdaraŭlenčaha kompleksu;
— budaŭnictva budynka Viarchoŭnaha suda Respubliki Biełaruś pa vuł. Arłoŭskaj;
— zaviaršeńnie budaŭnictva šmatfunkcyjanalnaha kompleksu «Sokał»;
— zaviaršeńnie budaŭnictva Techničnaha centra nacyjanalnych zbornych kamand Respubliki Biełaruś pa futbole;
— budaŭnictva haściničnaha kompleksu pa pr. Pieramožcaŭ;
— budaŭnictva restarannaha kompleksu na levym bierazie r. Śvisłačy pa vuł. Arłoŭskaj.
Akramia taho, pa hienpłanie Minska praduhledžana, što pa terytoryi parkavaha kompleksu budzie prachodzić treciaje transpartnaje kalco.
Hramadskaje abmierkavańnie prajekta budzie prachodzić z 17 sakavika pa 12 krasavika. Ekspazicyja (vystava) horadabudaŭničaha płana detalovaha płanavańnia budzie raźmieščanaja ŭ faje 3-ha paviercha budynka administracyi Centralnaha rajona z 17 sakavika pa 1 krasavika. Prezientacyja materyjałaŭ prajekta adbudziecca 20 sakavika ŭ 18.00 u aktavaj zale administracyi Centralnaha rajona.
Zaŭvahi i prapanovy ŭ piśmovaj i elektronnaj formie pa vystaŭlenym na hramadskaje abmierkavańnie prajektu da 11 krasavika možna nakiravać u administracyju Centralnaha rajona z pamietkaj «hramadskaje abmierkavańnie» (paštovy adras: 220 004, h. Minsk, vuł. Mielnikajte, 6; elektronny adras: cen. [email protected]).
