Łatvija pabuduje aharodžu na miažy ź Biełaruśsiu
Łatvija pabuduje aharodžu na miažy ź Biełaruśsiu daŭžynioj niekalki dziasiatkaŭ kiłamietraŭ dla baraćby ź nielehalnymi imihrantami i inšymi parušalnikami miažy.
Pra heta paviedamiŭ načalnik Dziaržaŭnaj słužby pamiežnaj achovy Łatvii Normunds Harbars.
Jak paviedamiŭ Harbars infarmacyjnamu ahienctvu LETA, tendar na raspracoŭku techničnaha prajekta abstalavańnia łatvijska-biełaruskaj miažy i aŭtarski nahlad ŭžo abvieščany i zavieršycca 20 sakavika. Jon dadaŭ, što budaŭnictva aharodžy pačniecca u 2018 ci 2019 hodzie. Ahulnaja daŭžynia jaje stanie viadomaja pa zaviaršeńni padrychtoŭčaj stadyi prajekta», — skazaŭ Harbars.
Miarkujecca, što aharodža vyšynioj nie nižej za dva mietry buduć budavać z vykarystańniem nie mienš za troch varyjantaŭ kanstrukcyi aharodžy, u tym liku mietaličnaha i kalučaha drotu.
U 2015 hodzie Łatvija pryniała rašeńnie ŭźvieści na asobnych učastkach miažy z Rasijaj aharodžu ahulnaj daŭžynioj 90 km. Na jaho ŭźviadzieńnie na praciahu čatyroch hadoŭ vydatkujuć €17 młn. Vyšynia aharodžy składzie 2,7 m, z ulikam kalučaha drotu. Na hety momant Łatvija ŭźviała na miažy z Rasijaj kala 23 km aharodžy.