Šorac pra vyniki reformy ŽKH u Minsku: Na čverć skaracili kolkaść rabotnikaŭ i aščadzili $15 miljonaŭ
— Reforma ŽKH Minska ŭklučała piać asnoŭnych krokaŭ. Heta padzieł funkcyj zamoŭcy i padradčyka. Raniej byli ŽREA i ŽESy. Sami sabie zamaŭlali pracu, vykonvali i apłačvali. My złamali hetuju sistemu całkam. Raźmiežavali funkcyi rabočych pa techabsłuhoŭvańni, biahučym ramoncie, pryborcy padjezdaŭ i terytoryj, akazańni dadatkovych płatnych pasłuh. Stvaryli adzinuju dyśpietčarskuju 115. Haradskaja avaryjnaja słužba pierajšła na kruhłasutačny režym pracy. Adziny raźlikova-daviedačny centr arhanizavali i pieradali amal usiu miechanizavanuju kamunalnuju techniku i niaprofilnyja sietki śpiecpradpryjemstvam.
Što atrymali? Zamiest 141 arhanizacyi ŭ ŽKH horada zastałosia 58. Amal na čverć źniziłasia kolkaść rabotnikaŭ. Heta minus 3,4 tysiačy čałaviek. Za 2016 hod atrymana 29 młn rubloŭ ekanomii vydatkaŭ. Uzrovień kampiensacyi nasielnictvam vydatkaŭ na techničnaje absłuhoŭvańnie šmatpaviarchovych damoŭ vyras udvaja: jon byŭ usiaho 39% u 2015-m i ŭžo 89,7% pa vynikach 2016 hoda.
