Tramp prapanavaŭ pabudavać 12 novych avijanoscaŭ
Prezident ZŠA Donald Tramp zajaviŭ, što Złučanyja Štaty majuć najlepšyja ŭ śviecie ŭzbrojenyja siły i buduć padtrymlivać ich u najlepšym stanie.
Tramp vystupiŭ na borcie avijanosca «Džerald Ford» na bazie Norfałk u Virdžynii pierad marakami i sudnabudaŭnikami. Avijanosiec jašče nie spuščany na vadu, ale ŭžo ŭkamplektavany asabovym składam, u jakoha na formie napisana: «USS Gerald R. Ford».
Tramp zajaviŭ aficeram i matrosam, što ZŠA daduć svaim abaroncam samaje dobraje abstalavańnie, jakoje im patrebna, kab pieramahčy ŭ lubych bajavych dziejańniach. «Najlepšaje abstalavańnie ŭ śviecie», — adznačyŭ jon.
«Spadziajusia, što nam nikoli nie daviadziecca vykarystoŭvać našych vajskoŭcaŭ, ale kali pryjdziecca, vorah apyniecca ŭ vialikaj, vialikaj biadzie», — zajaviŭ prezident ZŠA. Tramp adznačyŭ, što amierykanskim vajskoŭcam niama roŭnych u śviecie i što amierykanskija avijanoscy — heta «apora demakratyi» i važny instrumient amerykanskaj dypłamatyi.
Tramp paviedamiŭ, što niadaŭna pravioŭ sustrečy z kiraŭnikami pramysłovaści i biznesu i prapanavaŭ ažyćciavić maštabnuju prahramu raźvićcia vajenna-marskoha fłotu, jakaja praduhledžvaje budaŭnictva 12 avijanoscaŭ, na zamienu 10 starym.
«Naš fłot vialiki, i našy ludzi vialikija», — skazaŭ Tramp, padkreśliŭšy pry hetym, što ZŠA imknucca da miru.
