Staršakłaśniki na tydzień mohuć stać studentami BDU
Staršakłaśniki na tydzień mohuć stać studentami Biełdziaržuniviersiteta, paviedamili BIEŁTA ŭ pres-słužbie VNU.
Uziać udzieł u prajekcie «Student BDU na tydzień» mohuć navučency 10-ch i 11-ch kłasaŭ staličnych škoł. Dla hetaha nieabchodna napisać matyvacyjny list i adpravić na adras elektronnaj pošty [email protected]. Karespandencyja prymajecca da 5 sakavika, a dla žadajučych paznajomicca ź sistemaj navučańnia ŭ Instytucie žurnalistyki — da 15 sakavika.
«Navabrancam» treba budzie adčuć studenckaje žyćcio, naviedaŭšy lekcyi i praktyčnyja zaniatki razam sa studentami BDU. Płanujecca, što staršakłaśniki paznajomiacca i z pazanavučalnaj dziejnaściu fakultetaŭ. Patencyjnych abituryjentaŭ z 27 pa 31 sakavika sustrenuć na fakultecie sacyjakulturnych kamunikacyj, bijałahičnym, hieahrafičnym, fizičnym, ekanamičnym fakultetach, a taksama ŭ Instytucie žurnalistyki i Instytucie biźniesu i mieniedžmientu technałohij. Kulminacyjaj vučebnaha tydnia stanie sustreča z rektaram BDU akademikam Siarhiejem Abłamiejkam. Jana adbudziecca 1 krasavika padčas Dzion adčynienych dźviarej «Fiestyval fakultetaŭ BDU».
Akcyja «Student BDU na tydzień» paśpiachova realizujecca ŭ druhi raz. Pieršym u kancy 2016 hoda svaich abituryjentaŭ pryniaŭ Instytut žurnalistyki BDU. Miarkujecca, što ŭ pierśpiektyvie hety dośvied raspaŭsiudzicca na ŭsie fakultety VNU.
Arhanizatarami prajekta vystupajuć Studencki sajuz i ŭpraŭleńnie vychavaŭčaj pracy z moładździu BDU.
