Surjoznaja avaryja pad Lepielem: adzin čałaviek zahinuŭ, troje špitalizavanyja
Fota z fejsbuka Śviatłany Sacharavaj
24 lutaha kala 8 hadzin u Starym Ladnie Lepielskaha rajona Viciebskaj vobłaści adbyłosia DTZ z udziełam aŭtamabilaŭ HAZ-53, jakim kiravaŭ 29-hadovy vadziciel, i Citroen Xsara, jakim kiravaŭ 35-hadovy mužčyna. Pra vypadak napisała ŭ svaim fejsbuku pradstaŭnik SK pa Viciebskaj vobłaści Śviatłana Sacharava.
U lehkavym aŭtamabili taksama jechali žančyna, 1983 hoda naradžeńnia i dvoje dziaciej — dziaŭčynki 2008 h.n. i 2010 h.n.
Fota z fejsbuka Śviatłany Sacharavaj
U vyniku DTZ kiroŭca lehkavoha aŭtamabila ad atrymanych cialesnych paškodžańniaŭ pamior na miescy zdareńnia.
Pasažyry (žančyna i dvoje dziaciej) z zakrytymi čerapna-mazhavymi traŭmami dastaŭleny ŭ balnicu, im akazvajecca miedycynskaja dapamoha. Kanstatavanyja taksama zakrytyja pierałomy kiści i tazaściehnavoha sustava ŭ 8-hadovaj dziaŭčynki i množnyja pierałomy kaniečnaściaŭ u žančyny. Kiroŭca hruzavoha aŭtamabila nie paciarpieŭ.
Na miesca zdareńnia pracujuć śledčyja Lepielskaha rajonnaha adździeła Śledčaha kamiteta.
Fota z fejsbuka Śviatłany Sacharavaj