Biełaruskaja turfirma prapanuje «darmajedam» biaspłatnuju pucioŭku ŭ Jehipiet
Ź niezvyčajnaj sacyjalnaj inicyjatyvaj vystupiła kampanija «Mierlintur». Za podpisam kamiercyjnaha dyrektara kampanii Kanstancina Kalady ŭ Ministerstva pa padatkach i zborach na imia ministra S. Nalivajki adpraŭleny list z prapanovaj arhanizavać dla płacielščykaŭ «padatku na darmajedstva» rozyhryš pucioŭki ŭ Jehipiet, jak u łatarei.
Jak skazana ŭ liście, taki krok moh by sadziejničać «stabilizacyi hramadskaha nastroju i značna pavysić matyvacyju apłaty dadzienaha zboru».
Asabliva padkreślivajecca, što «Mierlintur» hatovy pradastavić takoje padarožža zusim biaspłatna, apłaciŭšy vydatki na pieralot i hatel «usio ŭklučana».
Kampanija «Mierlintur» viadomaja svaimi niezvyčajnymi kreatyŭnymi, nie pazbaŭlenymi sacyjalnaj vastryni i humaru inicyjatyvami.
Adpaviedny post Kanstancina Kalady na FB azahałoŭleny tak: «Apłaciŭ darmajedstva - adpačni ŭ Jehipcie. Padstaŭ plačo Radzimie ŭ ciažkuju chvilinu!»