U Minsku paśla sutyknieńnia z «Tajotaj» pierakuliłasia maršrutka z pasažyrami, jość paciarpiełyja
Dva čałavieki atrymali traŭmy roznaj stupieni ciažkaści ŭ DTZ, jakoje zdaryłasia 13 lutaha, kala 13.00, na skryžavańni vulicy Nieścierava i Achockaj u Minsku. Pra heta auto.tut.by raspavioŭ načalnik adździeła ahitacyi i prapahandy DAI HUUS Minharvykankama Siarhiej Zaranik.
Pavodle papiaredniaj infarmacyi, avaryja adbyłasia na nierehulavanym skryžavańni (nie pracavaŭ śviatłafor). Žančyna na «Tajocie Pryus» jechała pa vulicy Achockaj i na skryžavańni z vulicaj Nieścierava nie sastupiła darohu maršrutnamu taksi, jakoje ruchałasia pa hałoŭnaj darozie. Ad udaru maršrutka pierakuliłasia na bok.
Pavodle infarmacyi DAI, miedycynskaja dapamoha zapatrabavałasia dvum pasažyram maršrutki, jany špitalizavany.
Pa fakcie avaryi pravodzicca pravierka. Ustanaŭlivajucca pryčyny i abstaviny zdareńnia. U DAI adznačyli, što bačnaść na skryžavańni dobraja, daroha pačyščana. Inśpiektary čarhovy raz zaklikajuć kiroŭcaŭ być vielmi ŭvažlivymi i aściarožnymi za rulom.