Baćki skardziacca na saviecki ściah u vaŭkavyskaj škole. Zavuč: «My abmiarkujem hetaje pytańnie z dyrektaram»
Čytačy «Našaj Nivy» dasłali ŭ Redakcyju fota z vaŭkavyskaj škoły №4. Maŭlaŭ, saviecki ściah i tekst savieckaj vajennaj prysiahi ŭ kalidory naŭrad ci spryjajuć vychavańniu biełaruskaha patryjatyzma ŭ školnikaŭ.
«Naša Niva» spytałasia ŭ administracyi škoły, čym tłumačycca najaŭnaść savieckaj simvoliki ŭ škole, kali ŭžo bolš za 25 hadoŭ my žyviem u niezaležnaj krainie. Zrešty, i «radzima» dla školnikaŭ — heta Biełaruś, a nie toje, pra što kryčyć nadpis nad stendam.
Za adsutnaściu dyrektara z žurnalistam havaryła adna z zavučaŭ škoły. Jak jana patłumačyła, hetaki «čyrvony kutok» nasamreč raskazvaje pra asobnych uradžencaŭ Vaŭkavyska, jakija vajavali ŭ Afhanistanie. «My abmiarkujem metazhodnaść hetych simvałaŭ z dyrektaram, kali jana vyjdzie», — paabiacała zavuč.