AliExpress mianiaje praviły dastaŭki tavaraŭ u Biełaruś
Adzin z najbujniejšych anłajn-mołaŭ śvietu AliExpress z 7 lutaha mianiaje praviły dastaŭki tavaraŭ u Biełaruś, Ukrainu i Rasiju.
Handlovaja internet-placoŭka AliExpress admaŭlajecca ad opcyi «Ekanom-dastaŭka» dla pakupnikoŭ ź Biełarusi i Ukrainy, infarmuje tut.by.
Uzrovień «Ekanom-dastaŭka» (Economy Shipping) karystaŭsia papularnaściu, bo heta samaja tannaja i najbolš praciahłaja z usich, prapanavanych placoŭkaj. Tavar pry hetym pierasyłajuć z dapamohaj słužbaŭ China Post abo HongKong Air Mail, mižnarodny trek-numar pasyłcy nie nadajecca.
Ciapier AliExpress admaŭlajecca ad hetaj opcyi dla pakupnikoŭ u Biełarusi i Ukrainie. Dla rasijskich pakupnikoŭ «Ekanom-dastaŭka» praciahnie dziejničać tolki dla tavaraŭ nie daražej za dva dołary. Źmieny nabuduć moc 7 lutaha ŭ 11.00 pavodle minskaha času.
Dla biełarusaŭ zastanucca dastupnymi ŭzroŭni «Standartnaja dastaŭka» (Standard Shipping) i «Paskoranaja dastaŭka» (Expedited Shipping). «Standartnuju dastaŭku» ažyćciaŭlajuć słužby EMS, ePacket abo DHL Global Mail. Jana moža być biaspłatnaj dla pakupnika.
Kiraŭnik Alibaba Russia Mark Zavadski vykazaŭ mierkavańnie, što novyja praviły nie paŭpłyvajuć na košt dastaŭki — chutčej pradaŭcy ŭviaduć jaje ŭ košt samoha tavaru. Na jaho dumku, pakupniki amal nie adčujuć padaražańnia.