Eks-kiraŭnik «Motavieła» Alaksandr Muraŭjoŭ prysudžany da 11 hadoŭ źniavoleńnia
Archiŭnaje fota Siarhiej Hudzilin
Biznesmen, adzin z byłych uładalnikaŭ zavoda «Motavieła», Alaksandr Muraŭjoŭ prysudžany da 11 hadoŭ pazbaŭleńnia voli. Prysud abvieščany siońnia ŭ sudzie Frunzienskaha rajona Minska.
Alaksandr Muraŭjoŭ prysudžany da pazbaŭleńnia voli terminam na 11 hadoŭ z adbyvańniem pakarańnia ŭ kałonii ŭzmocnienaha režymu, z kanfiskacyjaj majomaści i pazbaŭleńniem prava zajmać peŭnyja pasady.
Alaksandr Muraŭjoŭ byŭ zatrymany supracoŭnikami KDB u pačatku červienia 2015 hoda. Jon sprabavaŭ vylecieć ź minskaha aeraporta ŭ stalicu Aŭstryi, dzie znachodzicca ofis jaho inviestycyjnaj kampanii ATEC. U 2007 hodzie zarehistravany ŭ Aŭstryi ATEC Holding nabyŭ «Motavieła».
Biznesoŭcu było pradjaŭlenaje abvinavačvańnie ŭ ździajśnieńni złačynstvaŭ, praduhledžanych č.4 art.209, č.4 art.16 i č.4 art.210, č.4 art.16 i č.2 art.243, č.6 art.16 i č.2 art.243 KK.