U Baranavičach paśla prajhranaha suda skončyŭ žyćcio samahubstvam biznesmien, baćka siemiarych dziaciej
Pra heta paviedamiła jaho žonka. Ich šlub praciahvaŭsia 13,5 hadoŭ, u im naradzalisia čaćviora dziaciej. Hety byŭ čarhovy šlub biznesmiena, ad papiarednich u jaho naradziłasia jašče troje dziaciej.
Trahiedyi papiaredničali finansavyja prablemy kampanii. Jaje suzasnavalnikami ličylisia dźvie žonki biznesmiena.
«Na praciahu pieršaha paŭhodździa 2016 hoda na firmie prajšli vosiem pravierak, ź jakich tolki dźvie płanavyja. Usie znojdzienyja parušeńni byli nieistotnymi i vypraŭlenyja ŭ vyznačany termin», — pierakonvaje apošniaja žonka.
Adnak pa dapuščanych parušeńniach usio ž adbyŭsia sud, jaki prysudziŭ štraf u pamiery 350 bazavych vieličyniaŭ — 7350 novych rubloŭ.
Tym časam praciahvalisia pravierki milicyi i Departamienta finansavych rasśledavańniaŭ, pryčym nibyta pa zajavach pieršaj žonki.
«Muža hetaja situacyja vielmi padkasiła. Jon nie moh pavieryć, što ludzi, jakim jon usio žyćcio dapamahaŭ, mohuć tak žorstka i biesčałaviečna ź im abychodzicca», — kaža apošniaja žonka.
«14 studzienia niervy ŭ muža nie vytrymali i jon skončyŭ žyćcio samahubstvam», — paviedamiła jana.
