Futbalist «Reała» admoviŭsia pierajści ŭ kitajski kłub za rekordnuju sumu
Kałumbijski paŭabaronca «Reała» Chamies Radryhies admoviŭsia ad pierachodu ŭ kitajski kłub «Chebej Čajna Forčun». Suma tranśfieru mahła skłaści rekordnyja €110 młn.
Ruben Albarran, Zumapress
Radryhies adchiliŭ prapanovu «Chebej Čajna Forčun», jaki abviaściŭ pra namier zapłacić za kałumbijca €110 młn, paviedamlaje As. U vypadku pierachodu ŭ kitajski kłub chaŭbiek staŭ by samym darahim futbalistam u śviecie. U dadzieny momant rekordnym ličycca tranśfier francuza Pola Pahba, za jakoha «Mančester Junajted» u žniŭni 2016 hoda zapłaciŭ «Juvientusu» € 105 młn.
Samomu Radryhiesu «Chebej Čajna Forčun» prapanoŭvaŭ zarobak €30 młn u hod. Heta amal u dziesiać razoŭ bolš toj sumy, jakuju jon atrymlivaje pa dziejnym kantrakcie z «Reałam». Samym vysokaapłatnym futbalistam śvietu źjaŭlajecca arhienciniec Karłas Tevies, u kancy śniežnia padpisaŭ kantrakt z kitajskim kłubam «Šanchaj Šenchua» z zarobkam € 35 młn u hod.
Pavodle infarmacyi The Guardian, adnosiny kałumbijca z hałoŭnym trenieram «Reała» Ziniedzinam Zidanam apošnim časam pahoršylisia. Radryhies raźličvaje pakinuć madrydski kłub padčas zimovaha tranśfiernaha akna ci letam, piša rbc.ru.
