Žycharka Pastavaŭ uciahnuła 12-hadovuju dziaŭčynku ŭ zaniatak prastytucyjaj
Žycharka Pastavaŭ abvinavačvajecca va ŭciahvańni ŭ prastytucyju dziaŭčat, u tym liku niepaŭnaletnich.
48-hadovaja žycharka Pastavaŭ, jakaja maje niekalki sudzimaściaŭ, ad červienia 2014 hoda da maja 2016 hoda ŭciahnuła ŭ zaniatak prastytucyjaj 7 dziaŭčat, siarod jakich adna była niepaŭnaletniaj.
Paśla jana znajšła ŭ hetaj śfiery jašče troch dziaŭčat, siarod jakich była dvanaccacihadovaja, i arhanizoŭvała dla ich sustrečy z klijentami. Častku hrošaj, jakija jany zarablali, abvinavačanaja zabirała sabie.
Abvinavačanaja pahražała dziaŭčatam raspravaj, kali tyja nie chacieli vykonvać svaju pracu. Dziejańni žančyny byli kvalifikavanyja pa č.2 st.171-1 i č.2 art.171 KK Biełarusi. Na dadzieny momant abvinavačanaja ŭziata pad vartu. Sprava ŭ chutkim časie budzie razhledžana ŭ sudzie.