U paniadziełak — mocny viecier, abvieščany aranžavy ŭzrovień niebiaśpieki
Aranžavy ŭzrovień niebiaśpieki abjaŭleny ŭ Biełarusi na 5 śniežnia ŭ suviazi z čakanym uzmacnieńniem vietru.
Jak paviedamlaje Biełhidramiet, ranicaj i dniom u paniadziełak na bolšaj častcy terytoryi krainy, Minskaj vobłaści i ŭ Minsku čakajecca ŭzmacnieńnie vietru paryvami da 15—20 m/s.
5 śniežnia ŭ pačatku nočy Biełaruś budzie pad upłyvam vobłaści pavyšanaha atmaśfiernaha cisku, sfarmavanaj u arktyčnym pavietry, u dalejšym kraina apyniecca na paŭdniovaj pieryfieryi paŭnočnaatłantyčnaha cykłonu z centram nad Karelijaj. Nočču pieravažna pa paŭnočnaj pałovie, dniom na bolšaj častcy terytoryi čakajecca śnieh, mokry śnieh, dniom pa paŭnočnym zachadzie z daždžom. Słabaja miacielica, dniom — słaby hałalod. Na asobnych učastkach daroh hałalodzica. Ranicaj i dniom u asobnych rajonach mocny paryvisty viecier. Tempieratura pavietra minimalnaja nočču minus 6—12°S, pry prajaśnieńniach da minus 16°S; maksimalnaja dniom ad minus 5°S pa ŭschodzie da plus 2°S pa paŭnočnym zachadzie.