26 listapada — lekcyja Michała Aniempadystava «Koler i styl jak markiery identyčnaści» ŭ Breście
Prastora teatra «Kryły Chałopa» (Brest, vuł. Chałturyna, 2/1). Pačatak a 18:00.
26 listapada Latučy ŭniviersitet i Mižnarodny kansorcyum «JeŭraBiełaruś» u miežach cykła «Ujaŭlajučy Biełaruś: idei i vobrazy dla supolnaj budučyni» zaprašajuć na adkrytuju lekcyju viadomaha kulturnaha dziejača, dyzajniera, hrafika, aŭtara znakavych piesiennych tekstaŭ dla biełaruskich rok-vykanaŭcaŭ, aŭtara tekstaŭ i kancepcyi prajekta «Narodny Albom» Michała Aniempadystava.
Što ŭpłyvała na farmavańnie tradycyi biełarusaŭ, našych ujaŭleńniaŭ pra styl? Jak składvałasia historyja kałarystyčnych upadabańniaŭ našych prodkaŭ? U jakich histaryčnych krynicach my znachodzim uvasableńnie i adlustravańnie asnoŭnych koleraŭ? Jakuju rolu adyhryvaje kałarystyka ŭ našaj materyjalnaj i niemateryjalnaj kultury, u štodzionnym žyćci kožnaha biełarusa?
Razvažajučy razam ź lektaram pra mnostva histaryčnych frahmientaŭ i nasłajeńniaŭ, ź jakich składajecca Biełaruski styl, my pasprabujem zrazumieć łohiku jaho farmavańnia i funkcyjanavańnia ŭ kultury sučasnych biełarusaŭ, a taksama toje, jakuju rolu adyhryvaje styl i, u pryvatnaści, našyja kałarystyčnyja ŭpadabańni, u pracesie samaidentyfikacyi, pošuku samich siabie ŭ histaryčnaj i prastoravaj adlehłaści.
Lekcyja Michała Aniempadystava «Koler i styl jak markiery identyčnaści» adbudziecca 26 listapada a 18.00 u prastory teatra «Kryły chałopa» (Brest, vuł. Chałturyna 2/1) Uvachod volny!
Telefon kaardynatara ŭ Breście: +375298231916 (Śviatłana)
Materyjały i videazapisy papiarednich lekcyj i anonsy nastupnych padziej Latučaha ŭniviersiteta šukajcie na sajcie Latučaha ŭniviersiteta.