Što skazaŭ Viktar Šejman na Dažynkach u Voranavie
Kiraŭnik spraŭ prezidenta Viktar Šejman uziaŭ udzieł u hrodzienskich abłasnych Dažynkach u Voranavie.
Hrodzienskaja aficyjnaja abłasnaja hazieta nazyvaje jaho pieršym u pieraliku vysokich haściej śviata, pierad staršynioj abłvykankama Uładzimiram Kraŭcovym i pamočnikam prezidenta pa Hrodzienskaj vobłaści Siarhiejem Raŭniejkam.
«Padziak i kaštoŭnych padarunkaŭ ad Kiraŭnika spraŭ Prezidenta Respubliki Biełaruś, upaŭnavažanaha kiraŭnika krainy pa Hrodzienskaj vobłaści i Hanarovaha hramadzianina Voranaŭskaha rajona Viktara Šejmana ŭdastoilisia ŭ liku najlepšych ahraryjaŭ vobłaści i našy ziemlaki — hałoŭny inžynier Viačasłaŭ Buzuk z SVK «Trakielski» i traktaryst SVK «Misievičy» Michaił Orda», — piša voranaŭskaja rajonka.
A abłasnaja hazieta cytuje Šejmana: «Hrodzienščyna ŭnikalnaja svajoj historyjaj, architekturaj i tradycyjami. Ale samaje kaštoŭnaje, što tut jość, heta pracavityja ludzi, i vielmi važna, kab hetych ludziej viedała ŭsia kraina, kab na ich prykładach vychoŭvalisia dzieci, vučyłasia moładź. U biahučym hodzie na Haradzienščynie vyhadavali bahaty ŭradžaj. Atrymali amal pa tonie zbožža na kožnaha žychara vobłaści. Za dasiahnieńniami staić vielmi šmat čaho — heta vykanańnie technałahičnych pracesaŭ, vysokaja arhanizavanaść, adkaznaść i dyscyplina».
Na abłasnych Dažynkach hanarujuć najlepšych pracaŭnikoŭ vioski. Hrodzienskaja vobłaść — pieradavaja ŭ Biełarusi pa sielskaj haspadarcy. Samyja paśpiachovyja — Hrodzienski i Bierastavicki rajony. U nastupnym hodzie hrodzienskija Dažynki adbuducca ŭ Śvisłačy.
Šejman naradziŭsia ŭ vioscy Sałtaniški Voranaŭskaha rajona. Nazva jaje pakazvaje na toje, što jaje mahli zasnavać biełaruskija tatary.
Viktar Šejman — adzin z najbližejšych paplečnikaŭ Alaksandra Łukašenki, jaki pracavaŭ ź im kiraŭnikom Administracyi prezidenta i hienieralnym prakuroram. Jon ličycca adnym z hałoŭnych tvorcaŭ represiŭnaj sistemy. U dakładzie Rady Jeŭropy havorycca pra mahčymuju jaho datyčnaść da vykradańniaŭ i zabojstvaŭ ludziej. U Biełarusi, adnak, hučnyja spravy Zacharanki i Hančara, jak i inšyja ŭ hetym šerahu, tak i nie dajšli da suda.
