Bob Dyłan nie pryjedzie na ŭručeńnie Nobieleŭskaj premii
Paet i muzyka Bob Dyłan nie zmoža pryjechać u Stakholm, kab asabista atrymać Nobieleŭskuju premiju pa litaratury, paviedamlaje Šviedskaja akademija. Dyłan vielmi chacieŭ by prysutničać na cyrymonii, ale ŭ jaho inšyja spravy, paviedamiŭ jon akademikam u liście. Pra heta piša VVS.
Getty
«Učora ŭviečary my atrymali asabisty list Boba Dyłana, u jakim jon patłumačyŭ, što z-za damoŭlenaściej, zroblenych raniej, jon nie zmoža pryjechać u Stakholm u śniežni, a značyć naviedać cyrymoniju ŭručeńnia premii. Jon znoŭ padkreśliŭ, što ličyć prysudžeńnie jamu premii vialiki honaram i što chacieŭ by atrymać jaje asabista», — havorycca ŭ zajavie Šviedskaj akademii.
Kab atrymać premiju, muzyku treba budzie pryjechać u Stakholm na praciahu paŭhoda pačynajučy z 10 śniežnia i pračytać lekcyju — heta źjaŭlajecca adzinaj umovaj akademii.
«Rašeńnie łaŭreata nie pryjazdžać — redkaść, ale nie vyklučeńnie», — zajavili ŭ Šviedskaj akademii, padkreśliŭšy, što pryz Dyłana «pa-raniejšamu naležyć jamu».
Muzyka staŭ łaŭreatam Nobieleŭskaj premii pa litaratury ŭ siaredzinie kastryčnika. U svaim rašeńni Šviedskaja akademija patłumačyła, što premija prysudžanaja Dyłanu za «stvareńnie novaj paetyčnaj movy ŭ ramkach vialikaj amierykanskaj piesiennaj tradycyi».
Pieršy čas akademikam nie ŭdavałasia źviazacca z Dyłanam. Praz dva tydni paśla prysudžeńnia jon patelefanavaŭ u Šviedskuju akademiju i paviedamiŭ, što premiju prymie, ale nie viedaje, ci zmoža pryjechać u Stakholm.
