Homielskim dzieciam prapanujuć u ekstrannych situacyjach vyklikać rasijskuju palicyju FOTAFAKT
U Homieli supracoŭniki miascovaha adździeła adukacyi zakupili rasijskija płakaty, jakija raskazvajuć, što rabić dzieciam u ekstrannych situacyjach.
Płakaty tłumačać, što treba rabić dzieciam, kali patrabujecca dapamoha milicyi, chutkaj ci pažarnych. Paznačanyja i telefony, pa jakich zvanić u ekstrannych vypadkach. Praŭda, homielskija školniki datelefanavacca nikudy nie zmohuć — bo płakaty rasijskija, i numary tam adpaviednyja.
Padobnyja płakaty raźmieščanyja, naprykład, na infarmacyjnych stendach la prypynku «Mižnarodny» ŭ Navabielickim rajonie Homiela.
Adkazvaje za raźmiaščeńnie padobnaj infarmacyi rajonny adździeł ideałohii.
«Dobra, što vy źviarnuli našu ŭvahu na heta. Pahladzim, kali jany jašče tam visiać, to zdymiem, — zapeŭniła Kaciaryna Haŭruščanka, namieśnik načalnika adździeła ideałohii administracyi Navabielickaha rajona. — Napeŭna, adździeł adukacyi ich dzieści zakupiŭ. Ale my raźbiaremsia».
