«Ukraeraruch»: Dyśpietčar viarnuŭ samalot «Biełavija» ŭ adpaviednaści ź mižnarodnaj praktykaj
Dyśpietčar pad čas pieramovaŭ ź piłotami pasažyrskaha samalota «Biełavija», što vykonvaŭ rejs Kijeŭ-Minsk 21 kastryčnika, kazaŭ pra mahčymaść pierachopu samalota bajavoj avijacyjaj u vypadku, kali samalot nie vierniecca ŭ «Žulany». Dyśpietčar dziejničaŭ u adpaviednaści ź mižnarodnaj praktykaj, havorycca ŭ adkazie «Ukraerarucha» na zapyt «112.Ukraina».
Fota aerovokzal.net
«U kampaniju «Ukraeraruch» pastupiła infarmacyja pra nieabchodnaść viarnuć samalot rejsa BRU840 avijakampanii «Biełavija» ŭ suviazi z pahrozaj nacyjanalnaj biaśpieki Ukrainy, što i było vykanana. Dyśpietčar absłuhoŭvańnia pavietranaj prastory dziejničaŭ u intaresach nacyjanalnaj biaśpieki Ukrainy i ŭ adpaviednaści ź mižnarodnaj praktykaj», — havorycca ŭ adkazie «Ukraerarucha».
Ukraina taksama ŭ rabočym paradku vyrašaje pytańnie ab kampiensacyi avijakampanii «Biełavija» vydatkaŭ, jakija jana paniesła praz prymusovaje viartańnie samalota ŭ aeraport Kijeva.
«Finansavaje pytańnie z avijakampanijaj «Biełavija»»Ukraeraruch» vyrašaje ŭ adpaviednaści z praktykaj, jakaja prymianiajecca va ŭzajemaadnosinach pamiž pravajderam aeranavihacyjnych pasłuh i avijakampanijaj», — paviedamiŭ «Ukraeraruch».